Sumqayıtda ulu öndər Heydər Əliyevin 101 illiyi ilə əlaqədar gül kolları əkilib. Sumqayıt24 bu haqda 4 may tarixində xəbər verir.
İşlər Qubadlı Rayon İcra Hakimiyyəti tərəfindən görülüb. 3000-dən çox müxtəlif növ gül kolları Qubadlı RİH-nin qarşısındakı parkda və həyətində, Milli Qəhrəman Əliyar Əliyev, Milli Qəhrəman Şükür Həmidovun, “Azərbaycan Bayrağı” ordenli şəhid Balakişi Hüseynovun, Qarağaclı kəndindən 9 şəhidin, şəhid Nadir Bədəlovun, Milli Qəhrəman general-mayor şəhid Polad Həşimov və 9 şəhidin abidələrinin qarşısında əkilib.
Tədbirdə icra qurumunun başçısı Malik İsaqov, məsul işçiləri, idarə, müəssisə, təşkilat rəhbərləri, RİHB-nin inzibati ərazi dairəsi üzrə nümayəndələri və ictimaiyyət nümayəndələri iştirak ediblər.
