Sumqayıtda “Səfəvi” gənclərin vətənpərvərlik düşərgəsinin açılış mərasimi baş tutub. Bu haqda 28 avqust tarixində Sumqayıt24 Abşeron-Xızı Regional Gənclər və İdman İdarəsinə istinadən məlumat verir.
Olimpiya İdman Kompleksində keçirilən mərasim dövlət himninin səsləndirilməsi ilə start götürüb. Daha sonra “Bir kimi birlikdə”, “Hər şey Vətən üçün” şüarları ilə birincilik uğrunda mübarizə aparacaq "Bayat", "Qaramanlı", "Qacarlar", "Əfşarlar", "Baharlı" komandalarının bayraqları kapitanlarına təqdim olunub.
Açılış bədii proqramla davam edib. Tədbir düşərgənin proqramının təqdimatı və ocaq ətrafında bol musiqili, rəqsli gecə ilə tamamlanıb.
Sentyabrın 1-nə kimi fəaliyyət göstərəcək düşərgə Gənclər və İdman Nazirliyinin təşkilatçılığı ilə reallaşıb.
