Sumqayıtda şəhid Arif Ələkbərovun anım mərasimi keçirilib. Bu haqda 14 avqust tarixində Sumqayıt24 Unikal.az-a istinadən məlumat verir.
Ə.Mehdiyev adına Qubadlı rayon Musiqi məktəbində baş tutan tədbirdə Rayon İcra Hakimiyyəti başçısının müavini Allahverdi Haxverdiyev, idarə, müəssisə, təşkilat rəhbərləri, şəhidin ailə üzvləri və yaxınları, döyüş yoldaşları, eyni zamanda ictimaiyyət nümayəndələri iştirak ediblər.
Tədbir iştirakçıları şəhidlərimizin xatirəsini bir dəqiqəlik sükutla yad ediblər. Çıxış edən Allahverdi Haxverdiyev qeyd edib ki, Vətən müharibəsində qəhrəmanlar içərisində canından və qanından keçən Qubadlı rayonundan 11 şəhid və 40-dan çox yaralı öz adlarını tarixə yazdılar. Qonaqlar şəhidin döyüş yolundan və onunla bağlı öz xatirələrindən danışıblar.
