Sumqayıt Tibb Mərkəzində (STM) “Klinik protokolların tətbiqi” mövzusunda təlim keçirilib. Bu haqda 9 may tarixində Sumqayıt24 xəbər verir.
Təlimdə STM-in direktor müavinləri Ramin Qasımov, İlkin Namazov, STM-in Tibbi sığorta və innovasiyanın təşkili şöbəsinin müdiri Emin Nəsibov, baş həkimlər və məsul tibb heyəti iştirak ediblər.
Çıxış edənlər klinik protokolların səhiyyə sistemində düzgün tətbiq edilməsinə nəzarətin təmin olunması ilə bağlı yeni mexanizmlərin işlənib hazırlanmasının vacibliyindən danışıblar. Həmçinin protokolların tətbiqi və nəzarəti üçün işlək mexanizmin qurulması, tətbiqin monitorinqinin təmin olunması, effektivliyinin analizi və bu sahədə elektron sənədləşmənin yaradılmasının əsas hədəflərdən olduğunu qeyd edib.
Görüş interaktiv formatda davam edərək, sual-cavab sessiyası ilə yekunlaşıb.
