Saray qəsəbə 2 nömrəli məktəbin akt zalında şəhid ailələri, qazilər və təhsil işçiləri ilə görüş keçirilib. Sumqayıt24 bu haqda 13 sentyabr tarixində DünyaTV-yə istinadən xəbər verir.
Abşeron rayon İcra Hakimiyyətinin başçısı Abdin Fərzəliyev bildirib ki, ötən il sentyabrın 13-də Ermənistan silahlı qüvvəllərinin Azərbaycanın Kəlbəcər, Laçın, Daşkəsən və Zəngilan rayonları istiqamətində törətdiyi genişmiqyaslı təxribatlar bir daha bütün dünyaya göstərdi ki, rəsmi İrəvan öz revanşist niyyətindən əl çəkmir:
“Ermənistan tərəfindən Azərbaycana qarşı beynəlxalq hüququn fundamental norma və prinsipləri, habelə Azərbaycan, Ermənistan və Rusiya liderləri arasında imzalanmış 3 tərəfli bəyanatların müddəaları və Azərbaycanla Ermənistan arasında əldə edilmiş razılıqlar kobud şəkildə pozulur”.
Tədbirdə Abşeron-Xızı Regional Təhsil İdarəsinin müdiri İlhamə Abdullayeva, Abşeron rayon İcra Hakimiyyətinin yanında ictimai şuranın sədri, şəhid anası Xatirə İsmayılova, şəhidlərin ailə üzvləri və qazilər 600-dən yuxarı bal toplayaraq tələbə olan məzunları təbrik ediblər.
Sonda şagirdlər şeirlər səsləndirib, mahnılar ifa ediblər. Həmçinin yüksək bal toplayan məzunlara və şəhid övladlarına hədiyyələr paylanılıb.
