Saray qəsəbəsinin avtobus problemi həll olunacaq. Sumqayıt24 bu haqda 30 aprel tarixində “ATV News”a istinadən xəbər verir.
Bir vaxtlar qəsəbədən Bakıya avtobuslar işləyirdi. Lakin son 10 il ərzində sakinlərin rahatlığı pozulub. Həmin marşrut avtobusları ləğv edilib. İnsanlar “manatlıq” taksilərin və Sumqayıtdan artıq dolu vəziyyətdə yola çıxan 503 nömrəli avtobusların ümidinə qalıblar.
Yerüstü Nəqliyyat Agentliyinin (AYNA) mətbuat katibi bildirib ki, qəsəbəyə ayrıca avtobus xətti çəkiləcək:
“Saray qəsəbə sakinlərinə göstərilən ictimai nəqliyyat xidmətlərinin keyfiyyətinin artırılması, əlçatanlığının təmini istiqamətində islahatlar aparılır. Saray qəsəbəsini Bakı Beynəlxalq Avtovağzal kompleksi ilə birləşdirən avtobus marşrutunun yaradılması nəzərdə tutulur. Bununla bağlı daşıyıcının müəyyən edilməsi üçün müsabiqə elan edilib”.
Tural Orucov onu da qeyd edib ki, 503 saylı avtobus xəttinin iş qrafikində də dəyişiklik ediləcək. Bununla bağlı daşıyıcılara tapşırıq verilib.
