İpoteka və Kredit Zəmanət Fondunun (İKZF) satmaq öhdəliyi ilə kirayə mənzil fonduna yeni mənzillər əlavə edilib. Bu haqda 5 sentyabr tarixində Sumqayıt24 İKZF-yə istinadən məlumat verir.
Mənzillər Saray qəsəbəsi, Məhəmməd Əsədov küçəsində yerləşən yaşayış kompleksində yerləşir. Siyahıya əlavə olunan 234 tam təmirli yaşayış evləri 1 və 2 otaqdan ibarətdir.
Yeni mənzillər Elektron ipoteka və kredit zəmanət sistemi (EİKZS) üzərindən seçim üçün 14 sentyabr tarixindən etibarən açıq olacaq.
Bu günə kimi satmaq öhdəliyi ilə kirayə mexanizmi çərçivəsində 3913 vətəndaşla kirayə müqaviləsi bağlanıb.
