Saray və Masazır qəsəbələri ərazisində sursat aşkar edilib. Bu haqda 21 iyun tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Hadisə yerinə FHN-in minalardan təmizləmə üzrə çevik qrupu və hüquq-mühafizə orqanı əməkdaşları cəlb ediliblər.
Hadisə yerlərinə baxış zamanı sursatların döyüş tətbiqinə yararlı ümumilikdə 32 ədəd 7x62 mm-lik mərmi, 180 ədəd 5x45 mm-lik mərmi, 8 ədəd 9 mm-lik mərmi, 1 ədəd 9 mm-lik tapança, 25 ədəd F-1 əl qumbarası, 3 ədəd RQD-5 əl qumbarası və 33 ədəd UZRQM partladıcısı olduğu müəyyən edilib.
Sursatlar mütəxəssislər tərəfindən zərərsizləşdirilməsi üçün ərazidən kənarlaşdırılıb, aşkar edilmiş 1 ədəd 9 mm-lik tapança aidiyyəti üzrə təhvil verilib.
