Saray qəsəbə sakini Dilbər Nadirova evindən qanunsuz çıxarıldığını iddia edib. Sumqayıt24 bu haqda 26 avqust tarixində Oxu.az-a istinadən xəbər verir.
O bildirib ki, 2008-ci ildə Ömər Xəyyam küçəsində Adilə adlı xanımdan torpaq sahəsi alıb və orada ev tikib. Lakin bir neçə il sonra Dilbər Nadirovanın həyat yoldaşının borcu yaranıb. Nəticədə o, xanımından xəbərsiz torpağı yenidən Adilənin adına rəsmiləşdirib. Həmin qadın da torpağı Ələmdar adlı başqa bir şəxsə satıb.
“Biz Naxçıvan qeydiyyatındayıq. Yoldaşımın pula ehtiyacı var idi. Banka qoymaq üçün evin sənədi yox idi. Adilə dedi ki, gəl mənim adıma keçir. 2 aydan sonra icra gəldi ki, evdən çıxmalısan”, - deyə şikayətçi D. Nadirova deyib.
