Saray qəsəbəsində küçələrin birində işıqlandırma problemi ilə bağlı şikayət var.
Sumqayit24.az-a bu barədə sakinlər məlumat veriblər.
Qeyd olunub ki, Heydər Əliyev küçəsində işıq dirəkləri olsa da, küçənin işıqlandırılması təmin edilmir. Nəticədə axşam və gecə saatlarında həm piyadaların, həm də nəqliyyat vasitələrinin hərəkətində çətinliklər yaranır.
"Maşınların intensiv hərəkət etdiyi yolda işıqlandırma yoxdur. Belə vəziyyət ərazidə qəza riski yaradır. Ona görə də tez-tez qəzalar baş verir, ölümlər olur", - deyə sakinlərdən biri narahatlığını ifadə edib.
Vətəndaşlar müvafiq qurumlardan mövcud problemin tez bir zamanda həll edilməsini tələb edirlər.
