Sumqayıt Dövlət Universitetində (SDU) “Əsaslı Dizayn metodu ilə Sahibkarlıq və Yeni Biznesin İnkişafı” Proqramı çərçivəsində son iki modul üzrə dərslər keçirilib. Bu haqda 25 may tarixində Sumqayıt24 xəbər verir.
SABAH.Academy-nin təşkilatçılığı ilə həyata keçirilən təlimin məqsədi II və III kurs tələbələrində sahibkarlıq və məhsul inkişafı üçün vacib olan hərtərəfli bacarıqları formalaşdırmaq və inkişaf etdirməkdir.
Tələbələr iş modelinin qurulması və təqdimatının formalaşdırılması üsulları haqqında bacarıqlarını inkişaf etdiriblər. Əlavə olaraq, iştirakçılara məhsulun dizayn olunması, loqo yaradılması və sosial media profillərinin yaradılması ilə bağlı praktiki bacarıqlar mənimsədilib.
Proqram 31 may tarixində tələbələrin final təqdimatları ilə yekunlaşacaq.
