Sumqayıt Dövlət Universitetində (SDU) “Yaşıl dünya naminə həmrəylik” Forumu və “Yaşıl iş yerləri” sərgisi keçirilib. Bu haqda 15 may tarixində Sumqayıt24 xəbər verir.
Tədbirdə Dövlət Məşğulluq Agentliyi İdarə Heyətinin sədri Mustafa Abbasbəyli, Universitetin rektoru Rüfət Əzizov, şəhər rəhbəri Zakir Fərəcov, Milli Məclisin deputatları, digər ali məktəblərin rektorları, müəllim və tələbələr, eləcə də sənaye müəssisələrinin nümayəndələri iştirak ediblər.
Çıxış edənlər qlobal iqlim dəyişikliyinin təsirlərindən, fəsadlarına qarşı mübarizə və ətraf mühitin qorunmasından danışıblar.
Daha sonra sərginin açılışı olub. 70-dək müəssisənin iştirak etdiyi sərgidə iştirakçılara həmin müəssisələrdəki iş imkanları və əmək şəraiti barədə məlumat verilib. Forum panellərdə müzakirələrlə davam etdirilib.
