Sumqayıt Dövlət Universitetində (SDU) yeni təyinat olub. Bu haqda 27 yanvar tarixində Sumqaıt24 SDU-ya istinadən məlumat verir.
Məlumata görə, ali təhsil müəssisəsinin Layihələrin idarə olunması şöbəsinin müdiri vəzifəsi Həbibə Nəzirovaya həvalə edilib.
Həbibə Mirhəbib qızı Nəzirova 23 dekabr 1995-ci ildə Saatlı rayonunda anadan olub. O, ADA Universitetinin Təhsilin idarə olunması üzrə magistr proqramını fərqlənmə diplomu ilə bitirib.
2015-ci ildən etibarən ümumi və xüsusi məqsədlər üçün ingilis dili, akademik yazı üzrə pedaqoji fəaliyyətlə məşğul olub. 2021-ci ildən Azərbaycan Respublikasının Təhsil İnstitutunda (ARTİ) Layihələrin idarə olunması şöbəsində mütəxəssis, baş mütəxəssis və şöbə müdiri vəzifələrini icra edib. Ali təhsil, inklüziv təhsil, təhsildə gender bərabərliyi mövzularına aid nəşrlərin müəllifi və həmmüəllifidir.
