Sumqayıt Dövlət Universitetinin (SDU) əməkdaşları “İxtira, faydalı model və sənaye nümunələrinə dair hüquqlar” adlı təlim kursunda iştirak ediblər. Bu haqda 18 sentyabr tarixində Sumqayıt24 xəbər verir.
Təlimə SDU-nun İqtisadiyyat və idarəetmə fakültəsinin dosenti Gülbəs Rüstəmova və Elmi hissənin baş metodisti Şəfaqət Məmmədova qatılıblar. Kursu yüksək balla başa vuran universitet əməkdaşlarımıza sertifikat təqdim olunub.
“Əqli Mülkiyyət Milli Təlim Mərkəzi” MMC-nin təşkilatçılığı ilə keçirilən təlimin məqsədi müəlliflik hüquqları, ixtira, faydalı model, sənaye nümunəsi və əqli mülkiyyətin ümumi qaydaları haqqında əsas biliklərə nail olmaqdır.
