Sumqayıt Dövlət Universitetinin (SDU) bir qrup tələbəsi Baytarlıq Elmi-Tədqiqat İnstitutunda (BETİ) və institutun nəzdində fəaliyyət göstərən Baytarlıq klinikasında olub. Bu haqda 10 may tarixində Sumqayıt24 xəbər verir.
Biologiya və onun tədrisi metodikası kafedrasının baş müəllimi Aysel Ağayevanın rəhbərliyi ilə keçirilən ekskursiyada Təbiət elmləri fakültəsinin 343 və 348-ci qrup tələbələri iştirak ediblər.
İştirakçılara institutun yaranma tarixi, aparılan tədqiqat işləri, məqsəd və perspektivləri haqqında məlumat veriblər.
Tələbələr institutun parazitologiya, quş xəstəlikləri, virusologiya və immunologiya, balıq və arı xəstəlikləri şöbələrində aparılan tədqiqat işləri, ev və kənd təsərrüfatı heyvanlarının xəstəlik törədiciləri, onlara qarşı effektiv müalicə üsulları, laboratoriyaların yeni avadanlıqları və onların iş psinsipləri haqqında məlumatlandırılıblar.
