G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Sumqayıt Dövlət Universitetinin ingilis dili müəllimləri “Akademik Yazının İnkişafı və Tədrisi” təlimini uğurla başa vurublar. Bu haqda 5 sentyabr tarixində Sumqayıt24 xəbər verir.
Təlim ABŞ Ayova Dövlət Universiteti tərəfindən və CANVAS // (OPEN) Onlayn Peşəkar İngilis Dili Şəbəkəsi (moocs.openenglishprograms.org) üzərindən keçirilib.
5 həftə davam edən seminar aşağıdakı mövzuları əhatə edib:
- Akademik yazı kursunun əsas komponentləri haqqında anlayışı inkişaf etdirmək;
- Tədris prosesinin yazı strategiyaları haqqında anlayışı inkişaf etdirmək;
- Arqumentativ yazının tərtib edilməsi prinsipləri haqqında anlayışı inkişaf etdirmək;
- Mənbədən sitatın öyrədilməsi prinsipləri haqqında anlayışı inkişaf etdirmək;
- Yazının qiymətləndirilməsi və əks-əlaqənin təmin edilməsi üçün ən yaxşı təcrübələr haqqında anlayışı inkişaf etdirmək.
Sonda təlim mövzularına uyğun 5 modul təqdim edilib. Ali təhsil müəssisəsinin ingilis dili müəllimləri bu modulları uğurla tamamlayıblar və “Akademik Yazının İnkişafı və Tədrisi” sertifikatı ilə təltif olunublar.
Təlimdə əldə olunan elmi nəticələr ali məktəb pilləsində tədris olunan akademik oxu və yazı dərslərində tətbiq olunacaq.
