Sumqayıt Dövlət Universitetinin (SDU) və Sumqayıt Texnologiyalar Parkının (STP) rəhbərliyi arasında görüş keçirilib.
Sumqayit24.az xəbər verir ki, görüşdə tələbələrin istehsalat təcrübəsinin təşkili, birgə elmi-tədqiqat və innovasiya layihələrinin həyata keçirilməsi, müasir sənaye texnologiyalarının tədris prosesinə inteqrasiyası, eləcə də sənayenin real ehtiyaclarına uyğun kadr hazırlığının gücləndirilməsi istiqamətində müzakirələr aparılıb.
Görüşün sonunda əməkdaşlığın ayrı-ayrı istiqamətlər üzrə konkret layihələr və fəaliyyət mexanizmləri əsasında genişləndirilməsi, SDU-STP əməkdaşlığının Sumqayıtın sənaye potensialı ilə universitetin təhsil və elmi imkanlarını birləşdirən davamlı sənaye–universitet tərəfdaşlığı modelinə çevrilməsi istiqamətində fikir mübadiləsi aparılıb.
