Sumqayıtda bu gün sertifikasiya imtahanı başlayıb. Sumqayıt24 bu haqda 21 iyun tarixində xəbər verir.
Abşeron–Xızı Regional Təhsil İdarəsi üzrə imtahan Sumqayıt şəhər 1 nömrəli məktəbdə təşkil olunub. Burada riyaziyyat və xarici dil (ingilis dili, rus dili, Azərbaycan dili (rus bölməsi), alman dili, fransız dili və s.) fənlərini tədris edən təhsilverənlər, eyni zamanda ibtidai sinif, Azərbaycan dili və ədəbiyyat müəllimləri iştirak edirlər.
İmtahanlar 22 və 24 iyun tarixlərində də keçiriləcək.
Qeyd edək ki, sertifikatlaşma prosesi 2 mərhələdən ibarətdir. 1-ci mərhələdə test imtahanı, avqustda isə müsahibə nəzərdə tutulub.
