Sumqayıt Tibb Mərkəzində “Zəfərə aparan yol” adlı tədbir keçirilib. Bu haqda 26 sentyabr taixində Sumqayıt24 STM-ə istinadən məlumat verir.
Tədbir 27 Sentyabr – Anım Gününə həsr olunub. İlk öncə toplantı iştirakçıları şəhidlərin xatirəsini bir dəqiqəlik sükutla yad ediblər və Dövlət Himni səslənib.
Tədbiri giriş sözü ilə açan STM-in direktoru Səkinə Sadıxova Zəfər tariximizdən, Vətən müharibəsi şəhid və qazilərinin göstərdikləri şücaət və fədakarlıqdan söhbət açıb, şəhidlərin əziz xatirəsini yad edib.
"Şəhid Analarına Dəstək" İctimai Birliyinin sədri, şəhid Əbdülməcid Axundovun anası Ceyran Həsənova igid oğullarımızın həyatlarının təbliği, vətənpərvərlik ruhunda həyata keçirdiyi tədbirlərdən söz açıb.
Sonda tədbir iştirakçıları "Missiya" adlı qısametrajlı bədii filmi izləyiblər.
Qeyd edək ki, filmin bəzi epizodları TƏBİB-in tabeliyindəki Sumqayıt Tibb Mərkəzinin 1 nömrəli Xəstəxanasında lentə alınıb.
