Sumqayıt Tibb Mərkəzinin (STM) direktor müavini, Sumqayıt TƏB üzrə kurator Arzu Bəndəliyeva təlimdə iştirak edib. Bu haqda 31 yanvar tarixində Sumqayıt24 STM-ə istinadən məlumat verir.
Azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi mövzusuna həsr olunan tədbir Xızı Rayon Mərkəzi Xəstəxanasında keçirilib.
Çıxış edən Arzu Bəndəliyeva ilkin səhiyyə xidmətinin gücləndirilməsi perspektivlərindən danışıb. O, azyaşlı uşaqlar, hamilə və zahı qadınlara göstərilən patronaj xidmətlərinin universal proqressiv modelinin tətbiqinin mühüm əhəmiyyət kəsb etdiyini vurğulayıb.
Təlimdə sözügedən xəstəxananın patronaj xidmətinin cavabdeh məsul şəxsləri, mama-ginekoloqlar, pediatrlar, tibb bacıları iştirak ediblər.
