Sumqayıt Tibb Mərkəzinin direktoru Elnur Azadxanov səhiyyə ocaqlarında olub. Sumqayıt24 bu haqda 10 yanvar tarixində xəbər verir.
Yeni direktor 1 nömrəli Xəstəxananın Təcili yardım, Cərrahiyyə, Reanimasiya, Kardiologiya, Hemodializ, Poliklinika, Radiologiya, Laboratoriya və digər şöbələrinin fəaliyyəti ilə maraqlanıb. O, palataların hazırki vəziyyətinə diqqət yetirib. Pasiyentlərin yemək rasionlarının çeşid müxtəlifliyi, keyfiyyəti və hazırlanması ilə tanış olub.
Sonra E. Azadxanov Perinatal Mərkəzə baş çəkib. O, xidmət keyfiyyətinin yüksəldilməsi, ana və uşaq sağlamlığına diqqətin artırılması, pasiyent məmnunluğunun təmini istiqamətində işlərin gücləndirilməsinin vacibliyini vurğulayıb.
Sonda direktor müvafiq tapşırıqlar verib.
