Sumqayıt Tibb Mərkəzinin (STM) direktoru Səkinə Sadıxova iclas keçirib. Sumqayıt24 bu haqda 12 sentyabr tarixində xəbər verir.
Tədbirdə STM-in direktor müavini İlkin Namazov, müvafiq şöbə rəhbərləri, Təcili Tibbi Yardım Xəstəxanasının (TTYX) kollektivi iştirak ediblər. Bundan əlavə, iclasa 2 nömrəli Xəstəxananın baş həkimi Adil Rzayev və Cərrahiyyə şöbəsinin personalı da qatılıblar.
Təcili Tibbi Yardım Xəstəxanasının (TTYX) baş həkimi Rauf Sadıxov tibb ocağının sutkalıq fəaliyyətindən danışıb.
İclasda TTYX-nin müvafiq şöbə rəhbərlərinin gündəlik hesabatları, tibbi personalın avadanlıq, cihaz, dərman, tibbi sərfiyyat üzrə təchizat və təminat kimi məsələlərlə bağlı müraciətləri dinlənilib.
STM-in direktoru Səkinə Sadıxova çıxışında xidmət keyfiyyətinin və pasiyent məmnunluğunun artırılması istiqamətində addımların atılacağını bildirib. Direktor qaldırılan məsələlərin həlli üçün şöbə rəhbərlərinə tapşırıqlar verib.
Sonda iştirakçıların sualları cavablandırılıb.
