Sumqayıt Tibb Mərkəzində (STM) hesabat seçki konfransı keçirilib. Bu haqda 23 may tarixində Sumqayıt24 STM-ə istinadən məlumat verir.
Konfrans Şəhər Səhiyyə İşçiləri Həmkarlar İttifaqı Şurasının 2018-2024-cü illərdəki fəaliyyətinə dair keçirilib. Burada STM-in direktoru Elnur Azadxanov, Səhiyyə İşçiləri Həmkarlar İttifaqı Respublika Komitəsinin sədr müavini Qönçə Abdullayeva, Sumqayıt Şəhər Səhiyyə İşçiləri Həmkarlar İttifaqı Şurasının sədri Elmira Quliyeva və konfransa seçilmiş nümayəndələr iştirak ediblər.
Tədbirdə Təftiş komissiyasının hesabatı dinlənilib və hər iki hesabat qənaətbəxş olaraq qiymətləndirilib. Eyni zamanda açıq səsvermə yolu ilə Komitə, Təftiş komissiyası üzvləri seçiliblər. E. Quliyeva isə yenidən Sumqayıt Şəhər Səhiyyə İşçiləri Həmkarlar İttifaqı Şurasının sədri vəzifəsinə təsdiqlənib.
