Sumqayıt Tibb Mərkəzinin (STM) əməkdaşları maarifləndirici təlimdə iştirak ediblər. Bu haqda 15 fevral tarixində Sumqayıt24 xəbər verir.
Azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi mövzusunda keçirilən seminarda ailə sağlamlıq mərkəzlərində patronaj xidmətinin cavabdeh məsul şəxsləri, mama-ginekoloqlar, pediatrlar və tibb bacıları iştirak ediblər.
Təlimçilər Telli Davidova və Yasəmən Məhərrəmova universal, proqressiv model, patronaj tibb bacısının yeni rolu və hesabatlılıq barədə iştirakçılara geniş məlumatlar veriblər.
Bununla yanaşı, Sumqayıt Tibb Mərkəzinin 4 və 5 saylı ailə sağlamlıq mərkəzlərində monitorinqlər aparılıb. Sonda iştirakçıları maraqlandıran suallar cavablandırılıb, təlimin qiymətləndirilməsi aparılıb.
