Sumqayıt Texnologiyalar Parkında (STP) yeni təyinat gerçəkləşib. Bu haqda 1 fevral tarixində Sumqayıt24 İqtisadiyyat.az-a istinadən məlumat verir.
Məlumata görə, Nigar Orucova STP-nin Kommunikasiya üzrə rəhbəri vəzifəsinə təyin olunub.
Nigar Orucova 1986-cı ildə Bakı şəhərində anadan olub. O, bundan əvvəl Ekologiya və Təbii Sərvətlər Nazirliyinin Dövlət Mineral Xammal Ehtiyatlarından İstifadə Agentliyinin mətbuat katibi vəzifəsində çalışıb. Daha əvvəllər isə bank sektorunda İctimaiyyətlə əlaqələr şöbəsinin rəhbəri vəzifəsində fəaliyyət göstərib.
