Sumqayıtda "Veb-Texnologiyalar" seminarı baş tutub. Bu haqda 24 yanvar tarixində Sumqayıt24 xəbər verir.
Xidmət Sahələri üzrə Sumqayıt Dövlət Peşə Təhsil Mərkəzinin təşkilatçılığı ilə keçirilən təlimdə mərkəzin Qrafik dizayner və Komputerlərin təmiri və xidməti üzrə texnik ixtisaslarında təhsil alan tələbə və valideynlər iştirak ediblər.
SUMbuilders təsisçisi, beynəlxalq layihələrdə ekspert və mentor Tural Süleymanovun təqdimatında keçirilən seminarda robototexnika, proqramlaşdırma və mühəndislik sahələrinə dair ətraflı məlumat verilib.
Tədbir iştirakçılarına mövzu ilə bağlı təqdimat nümayiş olunub. Sonda təlimçi auditoriyanın marağına səbəb olan suallara aydınlıq gətirib.
