Sumqayıt gəncləri Robot Olimpiadasında qalib gəliblər

“SUMbuilders” robototexnika komandaları medallar qazanıb. Sumqayıt24 bu haqda 4 sentyabr tarixində xəbər verir.

Gənclər və İdman Nazirliyi, Elm və Təhsil Nazirliyi, Rəqəmsal İnkişaf və Nəqliyyat Nazirliyi, Dünya Robot Olimpiadası Assosiasiyası və Azərbaycan Robototexnika Mühəndisliyi Akademiyası tərəfindən Milli Gimnastika Arenasında VI Robot Olimpiadasının final mərhələsi keçirilib.

Olimpiadanın “Robomission Elementary” kateqoriyası üzrə “HAF” komandası 1-ci yeri, “Robomission Junior” kateqoriyası üzrə “Falcons” komandası 1-ci yeri, “FLS (First Lego Scientist)” komandası isə “Robomission Senior” kateqoriyası üzrə 2-ci yeri tutub.

Qaliblər 7-9 noyabr tarixlərində Azərbaycanı Panama Respublikasında keçiriləcək Dünya Robot Olimpiadasında təmsil edəcəklər.

Həmçinin qızıl medalçılara 3000 manat və hədiyyə, 2-ci yeri tutanlara isə 2000 manat verilib.

Qalib komandalarımızın tərkibi:

“HAF”-nin üzvləri

• Hüseyn Şirinzadə (Qubadlı Çaytumas məktəb-liseyi);


• Fuad Rəsulzadə (Sumqayıt  şəhər 11 nömrəli məktəb);


• Alixan Mamedov (Sumqayıt şəhər 33 nömrəli məktəb).

• Rəsul Qafarzadə (Saray qəsəbə 1 nömrəli tam orta məktəb);


• Sevindik Ələsov (Gədəbəy rayonu Arıxdam kənd tam orta məktəbi);


• Əli Şərifzadə (53 nömrəli məktəb).

• Amin Nəcəfli (Sumqayıt Dövlət Universiteti);


• Rəvan Məhərrəmli (Sumqayıt Dövlət Universiteti);


• Anar Əliyev (Rabitə və İnformasiya Texnologiyaları üzrə Bakı Dövlət Peşə Təhsil Mərkəzi).