Sumqayıt Muğam Mərkəzində “Yaşıl Gömrük təşəbbüsü” mövzusunda tədbir keçirilib. Sumqayıt24 bu haqda 27 may tarixində xəbər verir.
Görüş Sumqayıt Gömrük İdarəsi (DGK) tərəfindən təşkil olunub. Burada Azərbaycanın yaşıl enerji iqtisadiyyatına verdiyi önəmli töhfələrdən, eyni zamanda “Yaşıl Gömrük” mövzusunda Ümumdünya Gömrük Təşkilatının konsepsiyası, tövsiyələri, DGK-nın ekoloji tarazlığın, ətraf mühitin qorunması məqsədilə qanunvericilikdə, gömrük nəzarəti və rəsmiləşdirilməsi prosesində tətbiq edilən təkmilləşdirilmələrdən danışılıb.
Dövlət Gömrük Komitəsinin sədri gömrük xidməti general-leytenantı Şahin Bağırov, İcra Hakimiyyətinin başçısı Zakir Fərəcov, Sumqayıt Dövlət Universitetinin (SDU) müəllimi və biznes nümayəndələri də yaşıl enerji, ekologiyanın qorunması mövzularında çıxış ediblər.
Tədbirdə mövzu ilə bağlı videoçarx izlənilib. Sonra bulvarda ağacəkmə aksiyası keçirilib.
