Sumqayıtda “Gəncləşən muğam” layihəsinin növbəti konserti keçirilib. Bu haqda 11 may tarixində Sumqayıt24 xəbər verir.
Tədbir ulu öndər Heydər Əliyevin 101 illiyi və Heydər Əliyev fondunun yaranmasının 20 illiyinə həsr olunub. Sumqayıt Muğam Mərkəzində təşkil olunan konsertdə incəsənət ustaları öz möhtəşəm çıxışları ilə izləyicilərdə xoş ovqat yaradıblar.
Layihə rəhbərləri Xalq artisti, professor Mənsum İbrahimov, Əməkdar artistlər xanəndə Təyyar Bayramov, tarzən Elçin Həşimov və kaman ifaçısı Elnur Əhmədovun iştirakı ilə baş tutan tədbir Sumqayıt şəhər İcra Hakimiyyətinin təşkilatçılığı ilə baş tutub.
