Sumqayıt Musiqi Kollecinin məzunu Nurlan Kərimov anası və qardaşını xilas etmək istəyərkən batıb. Sumqayıt24 bu haqda 15 avqust tarixində xəbər verir.
Hadisə Kür çayının Şəmkir rayon Dəllər Cırdaxan kəndindən keçən hissəsində baş verib. Aşıq Nurlan Qazaxlı kimi tanınan 20 yaşlı Nurlanın 15 yaşlı qardaşı çayda batmağa başlayıb. Onların anası, 38 yaşlı Günay Kərimova oğlunu xilas etmək üçün özünü suya atıb. Ailə üzvlərinin boğulmaqda olduğunu görən Nurlan Kərimov da onların yardımına tələsib. Ancaq hər üç şəxs boğulub. Daha sonra ailə başçısı Elbrus Kərimov ailəsini xilas etməyə cəhd edib. Bu zaman boğulduğunu görən kişi son anda çaydan çıxa bilib.
Qeyd edək ki, Nurlan Kərimov rayonda keçirilən mədəniyyət tədbirlərində, o cümlədən məclislərdə öz sazı ilə çıxış edərək müxtəlif ifalar səsləndirirdi.
