Sumqayıt Tibb Mərkəzi (STM) tərəfindən ötən il üzrə vətəndaşlara göstərilən müraciət və xidmətlərin statistikası məlum olub. Bu haqda 30 yanvar tarixində Sumqayıt24 STM-ə istinadən məlumat verir.
Bu müddət ərzində tibb müəssisələrinə əhali tərəfindən 1 milyon 526 min müraciət daxil olub. Bu müraciətlərdən 1 milyon 488 mini ambulator, 38 mini isə stasionar müraciətlər olub.
Sakinlərə göstərilən tibbi xidmətlərin sayı 4 milyon 549 min təşkil edib. Həmin xidmətlərdən 3 milyon 432 mini ambulator, 1 milyon 117 mini isə stasionar xidmətlərdir.
Qeyd edək ki, STM 2022-ci illə müqayisədə vətəndaşlara 47 faiz daha çox xidmət göstərib.
