Sumqayıtda yeni müəssisə yaradılır. Sumqayıt24 bu haqda 9 may tarixində xəbər verir.
İqtisadi Zonaların İnkişafı Agentliyi (İZİA) tərəfindən Bolqarıstanın “Caspian Lubricants Recycling” şirkətinə Sumqayıt Kimya Sənaye Parkının rezidenti şəhadətnaməsi verilib. Sənəd Bakıda keçirilən Azərbaycan–Bolqarıstan biznes-forumunda təqdim olunub.
Bununla da sənaye parkının rezidentlərinin sayı 41-ə çatıb. Şirkət 2 hektar ərazidə istifadə olunmuş mühərrik və sənaye yağlarının təkrar emalı ilə baza yağlarının istehsalı layihəsini həyata keçirəcək.
Layihənin investisiya dəyəri 13,1 milyon manatdır. Müəssisədə 54 nəfər üçün daimi iş yerləri yaradılacaq. İstehsal olunacaq məhsullar daxili bazara çıxarılacaq və ixrac olunacaq.
