Sumqayıt Tibb Mərkəzi (STM) göstərilən xidmətlərin statistikasını açıqlayıb. Sumqayıt24 bu haqda 21 oktyabr tarixində xəbər verir.
STM-in tabeliyindəki tibb müəssisələrinə 2023-cü ilin 9 ayı ərzində 1 milyon 132 min 569 müraciət daxil olub. Bunlardan 1 milyon 109 min 607-si ambulator, 22 min 962-si isə stasionar müraciətlərdir.
Həmçinin bu müddət ərzində əhaliyə 2 milyon 430 min 403 ambulator, 871 min 101 stasionar xidmət göstərilib.
Qeyd edək ki, hər bir ölkə vətəndaşı icbari tibbi sığorta ilə Xidmətlər Zərfinə daxil olan xidmətlərdən ödənişsiz istifadə edə bilər.
