Azərbaycanda 3 min avtobus elektrikli avtobuslarla əvəz ediləcək. Sumqayıt24 bu haqda 30 aprel tarixində xəbər verir.
Bunu Rəqəmsal İnkişaf və Nəqliyyat Nazirliyinin Nəqliyyat siyasəti şöbəsinin müdiri Fariz Əliyev deyib. Onun sözlərinə görə, Bakıda, Abşeronda bütün avtobuslar uzunmüddətli perspektivdə elektrikli avtobuslarla əvəzlənəcək:
“Xətdən çıxarılanlar regionlara göndəriləcək və uzunmüddətli perspektivdə regionlardakı da elektrikli avtobuslarla dəyişdiriləcək”.
Qeyd olunub ki, Çinin BYD şirkәti Sumqayıt Kimya Sәnaye Parkında qurulacaq zavodda elektrik mühәrrikli avtobusların istehsalına ilkin olaraq 34 milyon ABŞ dolları investisiya qoymaq istəyir.
İllik istehsal hәcminin 500 әdәd olması nәzәrdә tutulur. Layihә çәrçivәsindә 800 yeni iş yerinin yaradılması planlaşdırılır.
“Hazırda Çinin 3 şirkətindən avtobuslar alınır və hansıların yaxşı olduğu araşdırılır. Bu şirkətlərin avtobusları bir-birindən fərqlənir", – deyə Əliyev qeyd edib.
