Sumqayıtda aliment ödəməyən kişi keçmiş arvadı və icra məmurunu kreativ şəkildə aldadıb. Sumqayıt24 bu haqda 5 sentyabr tarixində Lent.az-a istinadən xəbər verir.
Sumqayıt Şəhər Məhkəməsində hakim Zaur Hacıyevin sədrliyi ilə məhkəmə keçirilib. Hökmə əsasən, E. Muxtarzadə 20 sutka inzibati cəza alıb.
İttihama görə, E. Muxtarzadə aliment ödəməkdən boyun qaçırmaq üçün inzibatçını və ailəsini aldadaraq ümumilikdə 13.200 manat dəyərində ziyan vurub. O, hər ay aliment ödənilən tarixdə övladına anasından gizli şəkildə bank kartını götürüb onun yanına gəlməsini istəyib. Bank hesabına onlayn şəkildə ödənişi edən kişi dərhal kartdan pulu çıxarırmış. Bu yolla inzibatçını aldadıb və qəbzləri göstərərək ödənişlərin hamısını vaxtında etdiyini bildirib.
Lakin şikayətçi Xəyalə Seyidquliyeva ödənişlərin olunmadığını bildirib. Bankdan verilən çıxarışda da ödənişlərin edildiyi, lakin tez bir zamanda pulların çıxarıldığı qeyd olunub.
