Sumqayıt Tibb Mərkəzində (STM) “Mülki Müdafiə işinin təşkili” mövzusunda tədbir keçirilib. Sumqayıt24 bu haqda 23 fevral tarixində xəbər verir.
Görüşdə tibb müəssisələrinin baş həkimləri və inzibati heyəti iştirak edib. STM-in direktor müavini, Fövqəladə hallar komissiyasının sədri İlkin Namazov bildirib ki, tədbirin məqsədi heyətin mülki müdafiə üzrə maarifləndirilməsi, diqqəti bu sahəyə cəlb etməkdir.
Namazov vurğulayıb ki, xəbərdarlıq və toplanış üzrə mülki müdafiə məşqləri keçiriləcək. O, müəssisə rəhbərlərindən və digər məsul şəxslərdən bu məsələyə diqqəti artırmağı, fəaliyyətlərini əvvəlcədən tərtib edilmiş və təsdiq olunmuş tədbirlər planına uyğun qurmalarını tövsiyə edib.
Mülki müdafiə bölməsinin müdiri Zümrüd Süleymanova mərkəz üzrə yaradılan Mülki müdafiə qərargahının tərkibindən danışıb. O, yanğın təhlükəsizliyi və mülki müdafiə işlərinə nəzarətin gücləndirilməsinin vacibliyini qeyd edib.
Bölmənin mütəxəsissləri Bənövşə Sayılova, Cəmilə Hüseynova və Hicran Sərkərova isə ötən il bu istiqamətdə həyata keçirilən tədbirlərdən məlumat veriblər.
Tədbir müzakirələrlə yekunlaşıb.
