Birinci Qarabağ müharibəsində itkin düşmüş hesab olunan Cavid Ələkbərov dəfn olunub. Bu haqda 23 may tarixində Sumqayıt24 Report.az-a istinadən məlumat verir.
Gəncə şəhərindəki Şəhidlər xiyabanında naməlum şəhid kimi dəfn edilmiş Cavid Ələkbərovun meyitinin qalıqları Sumqayıt şəhərinə gətirilib. O, Sumqayıt Şəhidlər xiyabanında torpağa tapşırılıb.
Dəfn mərasimində şəhidin doğmaları, Qubadlı Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, Cavid Fazil oğlu Ələkbərov 1975-ci il aprelin 25-də Qubadlı rayonunun Novlu kəndində anadan olub. O, 1994-cü il fevralın 17-də Kəlbəcər rayonunun Murovdağ istiqamətində itkin düşüb.
