Sumqayıtda 17 yaşda nikaha daxil olanların sayı açıqlanıb. Sumqayıt24 bu haqda 26 iyun tarixində Report.az-a istinadən xəbər verir.
Dövlət Statistika Komitəsindən verilən məlumata görə, ötən il üzrə şəhərimizdə 17 yaşda rəsmi nikaha cəmi 1 nəfər daxil olub.
Qeyd edək ki, Ailə Məcəlləsinin 10-cu maddəsinə əsasən, nikah yaşı həm oğlanlar, həm də qızlar üçün 18 yaş müəyyən olunub. Üzrlü səbəblər olduqda nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər.
