Sumqayıt məktəblərində insidentlər baş verib.
Sumqayit24.az-a daxil olan məlumata görə, hadisələrdən biri 33 nömrəli tam orta məktəbdə qeydə alınıb. Belə ki, sinif yoldaşı tərəfindən döyüldüyü iddia edilən 2012-ci il təvəllüdlü H.B. qapalı kəllə-beyin travması alıb.
Digər insident isə 11 nömrəli tam orta məktəbdə baş verib. 2014-cü il təvəllüdlü K.M.-in dərs zamanı sinif yoldaşı ilə dalaşarkən yıxılıb başından travma aldığı bildirilir.
Məsələ ilə bağlı TƏBİB-ə və Abşeron-Xızı Regional Təhsil İdarəsinə sorğu ünvanlanıb.
