G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Sumqayıtda ümumi (9 illik) orta təhsil səviyyəsi üzrə növbəti imtahanlar keçiriləcək. Bu haqda 2 may tarixində Sumqayıt24 xəbər verir.
Dövlət İmtahan Mərkəzi (DİM) tərəfindən keçiriləcək imtahan mayın 5-də saat 10:00-da başlayacaq. Saat 09:45-də buraxılış rejimi başa çatacaq. Bundan sonra gələn iştirakçılar imtahan binasına buraxılmayacaqlar.
Burada:
- Əvvəlki illərin məzunları üçün orta ixtisas təhsili müəssisələrinə qəbul imtahanı;
- Müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı;
- Müsabiqədə buraxılış imtahanında verdiyi tədris dilindən fərqli dil üzrə iştirak etmək istəyən cari ilin məzunları üçün əlavə tədris dili imtahanı;
- Mart və aprel aylarında keçirilmiş buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş cari ilin IX sinif şagirdləri üçün buraxılış imtahanı;
- Eksternat qaydasında IX sinif üzrə yekun attestasiyada iştirak etmək istəyən şəxslər üçün buraxılış imtahanı;
- Buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş əvvəlki illərin IX sinif məzunları üçün buraxılış imtahanı keçiriləcək.
Abituriyentlər (şagirdlər) imtahana buraxılış vərəqəsi və şəxsiyyəti təsdiq edən sənədin əsli ilə gəlməlidirlər.
Qeyd edək ki, ölkə üzrə imtahanlarda 11.943 nəfərin iştirakı nəzərdə tutulur.
