Sumqayıtda işıqforun işində yaranan texniki nasazlıq aradan qaldırılıb.
Bu barədə Baş Dövlət Yol Polisi İdarəsinin İctimaiyyətlə əlaqə bölməsinin rəisi Elvin Hacıyev məlumat verib.
"Sumqayıt şəhərinin Koroğlu və Mirzə Ələkbər Sabir küçələrinin kəsişməsində yerləşən işıqforda qısaqapanma nəticəsində yaranmış texniki nasazlıq dərhal nəzarətə götürülüb. Əraziyə operativ şəkildə əməkdaşlar cəlb olunub və texniki nasazlığın aradan qaldırılması istiqamətində zəruri tədbirlər görülüb", - deyə E. Hacıyev bildirib.
***
Sumqayıtda işıqforun işində nasazlıq yaranıb.
Bildirilib ki, Koroğlu və Mirzə Ələkbər Sabir küçələrinin kəsişməsində olan işıqforun işində problem yaranıb.
"İşıqforun bütün işıqları eyni anda yanır. Bu isə sürücülər üçün hərəkətin çox intensiv olduğu bir kəsişmədə aşkar təhlükədir", -
deyə məlumatda bildirilib.
Mənbə: Oxu.az
