Sumqayıtda prospektlərdən birində kanalizasiya problemi sakinləri bezdirib.
Bu barədə Sumqayit24.az-a yerli sakinlər məlumat veriblər.
Şikayətçilərin sözlərinə görə, Azərbaycan prospektinin 18-ci məhəllədən keçən hissəsində kanalizasiya sistemində nasazlıq yaranıb. Nəticədə ərazi çirkab sulara qərq olub və antisanitar vəziyyət yaranıb.
"Artıq su yola qədər çıxır. Məsələ ilə bağlı aidiyyəti qurumun əməkdaşları tədbir görsələr də, bir neçə gündən sonra kanalizasiya suları yenidən ətrafa yayılır", - deyə sakin bildirib.
Vətəndaşlar aidiyyəti qurumlardan problemin müvəqqəti deyil, köklü şəkildə həll edilməsini tələb edirlər.
