Sumqayıtda qəzalı binaların sayı məlum olub. Sumqayıt24 bu haqda 24 iyun tarixində Xeberle.com-a istinadən xəbər verir.
Şəhər İcra Hakimiyyətindən verilən məlumata əsasən, şəhərdə cəmi 3 qəzalı vəziyyətdə olan bina (hər 3-ü yataqxana) var. Bunlar Kimyaçılar yaşayış massivində yerləşən, 1948-1950-ci illərdə inşa edilmiş 49/3 nömrəli, 29-cu məhəllə ərazisində yerləşən, 1950-ci ildə tikilmiş 1 nömrəli və 2-ci mikrorayondakı 13 nömrəli yataqxanalardır.
Binaların vəziyyəti ilə bağlı rəyi Fövqəladə Hallar Nazirliyinin komissiyası verir. Rəyə əsasən, yataqxana sakinləri köçürülməli və binalar sökülməlidir. Yaxın vaxtlarda bununla bağlı tədbirlər görüləcək.
