Sumqayıt sakini “Göyərçin” abidəsinin yanında skuter sürərkən cərimələnib. Sumqayıt24 bu haqda 17 iyun tarixində xəbər verir.
Polis əməkdaşları vətəndaşa yaxınlaşaraq bildiriblər ki, skuter yalnız xüsusi zolaqda sürülməlidir və protokol tərtib edərək, onu 18 manat cərimələyiblər. İşin maraqlı tərəfi isə Sumqayıtda skuter zolağının, ümumiyyətlə, olmamasıdır.
“Polis əməkdaşlarına skuter zolağının olmadığını, bulvarda yalnız velozolaqların olduğunu dedim. “Bizim üçün fərqi yoxdur, qanunda yazılıb ki cərimələmək lazımdır”, - cavabını aldım. Sumqayıtda zolaqlar çəkilsin, bu skuterlər zolağa yaxın yerdə kirayə verilsin”, - deyə şikayətçi əlavə edib.
