Sumqayıtda 65 yaşlı qadın qətlə yetirilib. Bu haqda 3 fevral tarixində Sumqayıt24 Baş Prokurorluğa istinadən məlumat verir.
Hadisə bu gün, saat 10:30 radələrində 9-cu mikrorayon ərazisindəki evlərin birində qeydə alınıb. 41 yaşlı Mübariz Qəhrəmanovun aralarında yaranmış mübahisə zamanı anası, 65 yaşlı Qəşəngül Qəhrəmanovaya kəsici-deşici alətlə xəsarət yetirərək qəsdən öldürməsinə əsaslı şübhələr müəyyən edilib.
Faktla bağlı şəhər prokurorluğunda Cinayət Məcəlləsinin “qəsdən adam öldürmə” maddəsi ilə cinayət işi başlanıb.
Mübariz Qəhrəmanov polis əməkdaşları tərəfindən saxlanılaraq istintaqa təhvil verilib və prokurorluğun qərarı ilə iş üzrə şübhəli şəxs qismində tutulub.
Hazırda ibtidai istintaq davam edir.
