Sumqayıtda dəmir yolu xəttinə çıxan qadını qatar vurub. Bu haqda 5 fevral tarixində Sumqayıt24 "Azərbaycan Dəmir Yolları" QSC-yə (ADY) istinadən xəbər verir.
Hadisə bu gün saat 07:50 radələrində qeydə alınıb. Yeni Sumqayıt mənzilində bir qadın dəmir yolu xəttini müəyyən olunmamış yerdən qəfil keçməyə cəhd edib.
Maşinist təcili tormozlama həyata keçirsə da, məsafə az olduğundan toqquşma qaçılmaz olub. Qəza nəticəsində qadın xəsarət alıb, əraziyə təcili tibbi yardım çağırılıb.
Sumqayıt-Xırdalan-Bakı istiqamətində hərəkətdə olan qatarların fəaliyyəti qısa zamanda bərpa olunub.
