Sumqayıt Şəhidlər xiyabanında 27 Sentyabr – Anım Günü ilə bağlı tədbir keçirilib. Bu haqda 27 sentyabr tarixində Sumqayıt24 Report.az-a istinadən xəbər verir.
Anım mərasimində icra başçısı Zakir Fərəcov, hüquq-mühafizə orqanlarının əməkdaşları, şəhərdə fəaliyyət göstərən idarə və müəssisələrin kollektivləri, şəhid ailələri, qazilər və şəhər ictimaiyyətinin nümayəndələri iştirak ediblər.
Saat 12:00-da şəhidlərin əziz xatirəsi bir dəqiqəlik sükutla yad edilib.
Burada şəhidlərin fotolarından ibarət stend nümayiş olunub. Şəhər rəhbərliyi və digər rəsmi şəxslər stendlərə baxış keçiriblər, şəhid ailələri ilə həmsöhbət olublar.
Sonda mərasim iştirakçıları, valideynlər şəhidlərin məzarlarını ziyarət edərək üzərlərinə gül dəstələri düzüblər.
