Sumqayıt şəhərindəki internat tipli gimnaziya və sağlamlıq imkanları məhdud uşaqlar üçün xüsusi məktəbə baxış keçirilib. Bu haqda 25 yanvar tarixində Sumqayıt24 İqtisadiyyat.az-a istinadən məlumat verir.
İnsan Hüquqları üzrə Müvəkkilin (Ombudsman) Milli Preventiv Mexanizm fəaliyyəti çərçivəsində baş tutan baxış Milli Preventiv Qrupun (MPQ) üzvləri tərəfindən həyata keçirilib.
Müəssisələrdə rəftar məsələləri və mövcud şərait araşdırılıb, keçirilmiş əvvəlki monitorinqlər üzrə verilmiş tövsiyələrin icrası vəziyyəti, həmin müəssisələrin əməkdaşları və uşaqlarla söhbət aparılıb.
İnternat tipli gimnaziyada əvvəllər qeydə alınan bir sıra nöqsanların aradan qaldırıldığı, lakin yataqxananın əsaslı təmir edilməsinə ehtiyacın olduğu müşahidə edilib. MPQ üzvləri rəftar məsələlərinin öyrənilməsi məqsədilə uşaqlarla görüşüb, onlarla konfidensial söhbətlər aparıblar.
Sağlamlıq imkanları məhdud uşaqlar üçün xüsusi məktəbdə isə əvvəlki başçəkmə zamanı müəyyən edilən bəzi problemlərin hələ də qaldığı, müəssisədə pandusların quraşdırılması və havalandırma sisteminin təşkilinin təmin olunmadığı üzə çıxıb.
Monitorinqin nəticələri ilə bağlı Elm və Təhsil Nazirliyinə müraciət ediləcək.Qeyd edək ki, ötən ildə aparılmış monitorinq haqqında məlumat vermişdik.
Qeyd edək ki, ötən ildə keçirilmiş yoxlama haqqında məlumat vermişdik.
