Sumqayıt şəhəri, Bakı küçəsi, 15-ci məhəllədə yerləşən 85 saylı yataqxanada yaşayan bir neçə ailə yaxınlıqda aparılan tikinti işlərindən şikayətçidir.
Sakinlərin sözlərinə görə, tikinti ərazisi yataqxananı demək olar ki, dörd tərəfdən əhatə edib. Qəzalı vəziyyətdə olduğu bildirilən yataqxana binasının ətrafında aparılan işlər sakinlərin narahatlığını daha da artırıb.
Qeyd edək ki, ərazidə tikinti işlərini "KM Group" şirkəti həyata keçirir. Məsələ ilə bağlı şirkətdən bildirilib ki, 85 saylı Peşə Liseyinin nəzdindəki yataqxana binası və ona təhkim olunan torpaq sahəsi müvafiq icra hakimiyyəti orqanının rəsmi sərəncamı əsasında hüquqi müstəvidə "KM Group"un istifadəsinə və sərəncamına verilib. Şirkətdən bildirildi ki, sözügedən yataqxanada yaşayan şəxslərin orada məskunlaşması qanunsuzdur.
Bildirilib ki, yataqxana binası əvvəllər müvafiq qaydada tam boşaldılaraq aidiyyəti üzrə təhvil verilib. Daha sonra isə bir qrup vətəndaş tərəfindən binada yenidən özbaşına məskunlaşma baş verib.
Ətraflı Xezerxeber.аz-ın süjetində:
