Sumqayıt Dövlət Dram Teatrında “Xeyir xəbər” tamaşasının premyerası olub. Sumqayıt24 bu haqda 26 iyun tarixində xəbər verir.
Milli mücadilə yolumuzu, mübariz ruhumuzu tərənnüm edən əsərin səhnə versiyasını gənc və istedadlı rejissor Fuad Cavadzadə hazırlayıb.
Əməkdar incəsənət xadimi Əli Əmirlinin qələmə aldığı əsərdə bir ailənin taleyi kontekstində milli-mənəvi dəyərlər, təmkin, iradə, Vətən sevgisi təbliğ olunur.
Yeni yaradıcılıq işinin bədii rəhbəri Xalq artisti Firudin Məhərrəmov, quruluşçu rəssamı Nizami Dadaşov, musiqi tərtibatçısı sənətşünaslıq üzrə fəlsəfə doktoru Telman Qəniyevdir. Qrafika və montaj işi Sahil Nəzərova məxsusdur.
Rolları Əməkdar artist Elmira Kərimova, aktyorlar Habil Xanlarov, Məryəm Hüseynli, Şəmistan Süleymanlı, Aynur Hümbətova, Elay Xasıyev, Akif Mirzəyev və Siyavuş Mahmudov canlandırıblar.
